Hadisə

Ana səhifə

Hadisə

Kürdəmir Mərkəzi Rayon Xəstəxanası istifadəyə verilib

26 dekabr 2012 20:11 (UTC +04:00)

Kürdəmir. Elvin Yaqubov-APA. Kürdəmir Mərkəzi Rayon Xəstəxanası əsaslı təmirdən sonra dekabrın 26-da əhalinin istifadəsinə verilib. APA-nın məlumatına görə Səhiyyə Nazirliyinin sifarişi ilə 2010-cu ilin iyun ayından başlayaraq əsaslı təmir olunan 184 çarpayılıq səhiyyə ocağının reanimasiya, cərrahiyyə, doğum şöbəsi, təcili yardım, poliklinika, terapiya, infeksiya, qəbul şöbəsi, ginekologiya, laboratoriya şöbələri müasir tibbi avadanlıqlarla təmin edilib. Xəstəxanada ilk dəfə olaraq dializ aparatları quraşdırılıb ki, bu da kəskin böyrək çatışmazlığından əziyyət çəkən insanların tez-tez Bakıya getməsinin qarşısını alacaq. Qeyd edək ki, 1980-ci ildə tikilib istifadəyə verilən xəstəxana binası ilk dəfədir ki, əsaslı şəkildə təmir olunub.