Bakı – APA. Bu gün Azərbaycanın xarici işlər naziri Elmar Məmmədyarov Əfqanıstan İslam Respublikasının ölkəmizə yeni təyin olunmuş səfiri Məhəmməd Şakir Kargarı qəbul edib.
XİN mətbuat xidmətindən APA-ya verilən məlumata görə, etimadnaməsinin surətini nazir E.Məmmədyarova təqdim edən səfir Azərbaycana təyin olunmasından məmnunluğunu bildirib və ölkəmizin inkişafından təsirləndiyini söyləyib. Məhəmməd Şakir Kargar Azərbaycanda çalışacağı dövr ərzində iki ölkə arasında münasibətlərin daha da genişləndirilməsi istiqamətində səylər göstərəcəyini bildirib.
E.Məmmədyarov iki ölkə arasında əlaqələrin daha da inkişaf etdirilməsinin və gücləndirilməsinin zəruriliyini vurğulayıb. Nazir yeni təyinatı ilə bağlı səfiri təbrik edib və gələcək fəaliyyətində müvəffəqiyyətlər arzu edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
