APA-nın “Associated Press”ə istinadən verdiyi məlumata görə, ölənlər arasında 4 uşaq və 81 yaşlı qadın da var. Ümumən İsrailin son əməliyyatı nəticəsində 81 fələstinli həlak olub, onların təxminən yarısı dinc sakinlərdir. Yaralıların sayı 720 nəfərdir.
Noyabrın 19-da səhər İsrailin aviasiya zərbələri nəticəsində Qəzzada bir ailəyə məxsus 2 ev dağıdılıb. Şəhər administrasiyasının nümayəndəsi Əşrəf əl-Kidra 2-si uşaq olan 4 nəfərin öldüyünü, 42 nəfərin yaralandığını açıqlayıb. 12-15 nəfər dağıntılar altında qalıb.
Əməliyyat başladıqdan bəri İsrail Qəzza sektoruna mindən çox hava zərbəsi endirib. Bundan başqa, Qəzza Aralıq dənizi sahillərindəki gəmilərdən də atəşə tutulur. İsrail tərəfi HAMAS-ın hərbi obyektlərini, yeraltı raket qurğularını, silah qaçaqmalçılığı üçün istifadə olunan yeraltı tunelləri hədəfə götürdüyünü bildirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
