Yardımlı. Ağəddin Babayev – APA. Dekabrın 1-dən Səhiyyə Nazirliyi tərəfindən “Sağlam həyat uğrunda” devizi ilə start götürən aylıq çərçivəsində “Azərsutikinti” trestinin xəstəxanası tərəfindən Yardımlı rayonunda humanitar aksiya keçirilib.
APA-nın Cənub bürosunun məlumatına görə, iki gün davam edən aksiya zamanı xəstəxananın təcrübəli həkim briqadası əhalinin tibbi müayinəsi, o cümlədən laboratoriya analizləri, ultrasəs müayinəsi, elektrokardioqrafiya müayinələrini aparıb.
Müayinələr zamanı aşkar edilən xəstəliklərlə bağlı sakinlər müvafiq stasionar və ambulator müalicəyə cəlb olunublar.