Bakı. Şəhriyar Əlizadə - APA. Bakıda axtarışda olan şəxslər yaxalanıb. Bakı şəhər Baş Polis İdarəsindən APA-ya verilən məlumata görə, Xəzər Rayon Polis İdarəsi 1-ci Polis Bölməsinin əməkdaşlarının keçirdiyi əməliyyat tədbirləri nəticəsində Cinayət Məcəlləsinin 178-ci (dələduzluq) maddəsi ilə axtarışda olan Nicat Aslanov noyabrın 30-da saxlanılıb.
Binəqədi Rayon Polis İdarəsi əməkdaşlarının keçirdiyi əməliyyat tədbirləri nəticəsində Cinayət Məcəlləsinin 185-ci (talama məqsədi olmadan qanunsuz olaraq avtomobil və ya başqa nəqliyyat vasitəsi ələ keçirmə) maddəsi ilə axtarışda olan Rəşad Qurbanov noyabrın 30-da tutulub.
Nərimanov Rayon Polis İdarəsi əməkdaşlarının keçirdiyi əməliyyat tədbirləri nəticəsində Cinayət Məcəlləsinin 78-ci (dələduzluq) maddəsi ilə axtarışda olan Qeybulla Məmmədov noyabrın 30-da saxlanılıb.
Nizami Rayon Polis İdarəsi əməkdaşlarının keçirdiyi əməliyyat tədbirləri nəticəsində CM-in 243-ci (fahişəliyə cəlb etmə) maddəsi ilə axtarışda olan Günay Babayeva noyabrın 30-da tutulub.
Faktlarla bağlı araşdırma aparılır.