“Ukrayna, Dağlıq Qarabağ, Gürcüstan münaqişələri və ərazilərin işğalı ciddi insan faciələri ilə nəticələnir”.
APA-nın xəbərinə görə, bunu ATƏT Parlament Assambleyasının (PA) prezidenti Georgi Sereteli Kopenhagendə Avropa Şurası Parlament Assambleyasının (AŞPA) Daimi Komitəsinin iclasında çıxışı zamanı deyib. O bildirib ki, bu proseslər həmişə ATƏT-in diqqət mərkəzində olmalıdır: “Prezident olaraq əsas prioritetlərimdən biri bu problemlərin həlli üçün ATƏT-in tam iştirakını təmin etmək və münaqişələrin həllində PA-nın iştirakına töhfə verməkdir”.