Zərdab. Zahid Abışov – APA. Həsən Bəy Zərdabi doğulduğu Zərdab rayonunda anılıb. APA-nın yerli bürosunun xəbərinə görə, Zərdab şəhərində Həsən Bəy Zərdabinin muzeyində “Xalq üçün döyünən ürək” adlı xatirə gecəsi keçirilib. Tədbir iştirakçıları ilk öncə H. B. Zərdabinin heykəli və büstünü ziyarət ediblər.
Xatirə gecəsində muzeyin direktoru Vəfa Bayramova məruzə ilə çıxış edib. Tədbirdə çıxış edən natiqlər Zərdabinin xidmətlərindən danışıb, onun həyat və yaradıcılığından söz açıblar. Çıxışçılar Zərdabi muzeyinin bədii tərtibatına və əsaslı təmirinə vəsait ayrılması ilə bağlı imzaladığı sərəncama görə, ölkə başçısına minnətdarlıq ediblər.
Xatirə gecəsində rayon İcra Hakimiyyəti başçısının birinci müavini Allahverdi Səfərov ictimaiyyət nümayəndələri, idarə, təşkilat rəhbərləri iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
