Bonn. Anaxanım Hidayətova – APA. Bonn (Almaniya) şəhərində “Global Media Forum”un 6-cı konfransı işə başlayıb.
APA-nın Almaniyaya ezam olunmuş xüsusi müxbirinin verdiyi məlumata görə, forumda beynəlxalq iqtisadi artım, sosial siyasət və medianın müasir dünyadakı rolu müzakirə olunur.
Konfransda Almaniyanın xarici işlər naziri Gido Vestervelle, alternativ Nobel mükafatının sahibi, hindistanlı fizik Vandana Şiva, amerikalı linqvist Avram Noam Xomski, çinli blogger Li Çenpen və bir çox başqa şəxslər, ümumilikdə 2500 nəfər iştirak edir.
İyunun 19-dək davam edəcək tədbir “İnkişafın gələcəyi – iqtisadiyyat, dəyərlər və KİV” devizi altında keçirilir.