Bakı-APA. Rusiyanın paytaxtı Moskvanın şimal bölgəsində, Kronştadt bulvarında yerləşən bazarda yanğın başlayıb.
APA-nın “İnterfax” agentliyinə istinadən verdiyi məlumata görə, yanğın 700 kvadratmetr ərazini əhatə edib.
İkinci dərəcəli yanğın həyəcanı verilib. Hadisə yerinə 20 yanğınsöndürən briqadası cəlb olunub.
Xəsarət alanların olub-olmaması barədə hələlik məlumat verilmir.