Quba. Vəli Turan – APA. Azərbaycanda səfərdə olan İsrail mediasının nümayəndə heyəti Quba rayonuna səfər edib. APA-nın şimal bürosunun xəbərinə görə, qonaqlar əvvəlcə Quba rayon İcra Hakimiyyətinin başçısı Mübariz Ağayevlə görüşüblər. Sonra onlar Qubada aşkarlanmış kütləvi məzarlığı ziyarət ediblər. Jurnalistlərə 1918-ci ildə ermənilərin azərbaycanlılara qarşı törətdiyi soyqırım barədə məlumat verilib.
Qeyd edək ki, səfərin təşkilatçısı İsrail-Azərbaycan Beynəlxalq Assosiasiyasıdır (Azİz).
Media nümayəndələrinin Qusar rayonuna da səfəri planlaşdırılır.