Bu barədə APA-ya MTRŞ sədri Nuşirəvan Məhərrəmli bildirib.
Onun sözlərinə görə, seriallarda siqaret çəkilməsi səhnələrindən istifadə olunmaması məsləhətdir: “Biz bunu çox müsbət qarşılayarıq. Bununla əlaqədar telekanallara məktub göndəcəyik. Seriallarda avtomobillərdən istifadə zamanı təhlükəsizlik kəmərlərindən istifadə olunmur, bəzən yol-hərəkət qaydalarına əməl edilmir. Dövlət Yol Polisinin rəisi ilə də bununla əlaqədar söhbət etmişik. O da öz fikirlərini bildirib. Bu problemlə bağlı da telekanallara tövsiyə göndəriləcək. Yeni çəkilmiş seriallarda və proqramlarda həm siqaretlə, həm yol hərəkətləri ilə bağlı məqamlar nəzərə alınmalıdır”.
MTRŞ sədri sovet dövründə çəkilmiş seriallardada siqaret çəkmə səhnələrinin yer aldığını deyib: “40-50 il əvvəl çəkilmiş filmlərdə bu səhnələr var. O səhnələrin üzərində təkrar işləyib mozaika deyilən vasitə ilə qarşısını örtmək daha yaxşıdır. Türkiyə təcrübəsində bu, geniş yayılıb”.
Qeyd edək ki, Milli Məclisin son iclasında birinci vitse-spiker Ziyafət Əsgərov yeni seriallarda siqaret çəkmə səhnələrinin yer aldığını və bu reklamın yolverilməz olduğunu deyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
