Media

Ana səhifə

Media

TRT Ginnes Rekordlar Kitabına düşməyi planlaşdırır

11 mart 2015 10:21 (UTC +04:00)

Bakı. Cavid Zeynallı – APA. TRT radiosu yeni layihəsi ilə Ginnes Rekordlar Kitabına düşməyi planlaşdırır. TRT-nin Bakı təmsilçiliyindən APA-ya verilən məlumata görə, “Dünyanın Ən Radio” adlı proqram TRT vasitəsilə dünyaya yayımlanacaq: “”Düyanın Ən Radio” proqramı 19 mart 2015 tarixindən etibarən Azərbaycan, Almaniya və Bosniya-Herseqovinadan yayımlanacaq. Bu yayımlar üçün məşhur simalar Bakıda toplanacaq. “Dünyanın Ən Radio” proqramının Bakıda keçiriləcək qalasına tanınmış simalardan Bayj və Erkan Yavaş dəvətlidirlər. Bu program TRT və İTV-nin ortaq layihəsi olaraq reallaşacaq”.

TRT-nin Bakı təmsilçiliyindən bildiriblər ki, proqram TRT FM-dən həftənin cümə axşamları Bakı saatı ilə 21.00-23.00 arası Ankara, İstanbul və İzmir studiyalarından 3 nöqtədən tək proqram tərtibatçısı ilə canlı bağlantılarla dinləyicilərin qonağı olacaq.

Martın 19-dan isə 3 fərqli ölkə - Azərbaycan, Almaniya və Bosniya Herseqovinadan yayım həyata keçiriləcək. Yayım hazırlıqları dünyanın 3 qitəsi - Amerika, Avstraliya və Asiya, eləcə də Sakit, Atlantik, Hind okeanlarından həyata keçirilməsi nəzərdə tutulur. Məqsəd bu yeniliklərin Ginnes Rekordlar Kitabına düşməsidir.