APA-nın Mil-Muğan bürosunun məlumatına görə, şəhərin çoxmərtəbəli binalarının fasadına vurulmuş poliuretan üzlüklərin sökülməsi prosesi ölkə prezidentinin müvafiq göstərişinə əsasən, Şirvan şəhər İcra Hakimiyyətində yaradılmış komissiyanın qərarına uyğun həyata keçirilir.
Komissiyanın qərarı ilə poliuretanla üzlənmiş 3 beşmərtəbəli və 6 üçmərtəbəli binanın sökülməsinə qərar verilib.
Şirvan şəhər İcra Hakimiyyətindən verilən məlumata görə, üzlük materialların sökülməsi prosesi tez bir zamanda başa çatacaq. Binalarda sökülən üzlüklər estetik baxımlı alternativ tikinti materialları ilə əvəzlənəcək.