Bakı. Məlahət Nəcəfova - APA. Çexiya prezidenti Miloş Zeman ölkəsində Avropa İttifaqı və NATO-ya üzvlüklə bağlı referendum keçirilməsinə çağırıb.
APA-nın “Reuters”-ə istinadən verdiyi məlumata görə, lakin o, eyni zamanda ölkəsinin hər iki təşkilatda qalması ideyasını dəstəklədiyini bəyan edib: “Mən Avropa İttifaqından çıxmağı dəstəkləyənlərin fikri ilə razı deyiləm. Lakin onların referendumda iştirak etməsi və öz fikirlərini ifadə etmələri üçün əlimdən gələni edəcəyəm. Bu, həmçinin NATO-da qalmağa aiddir”.
Qeyd edək ki, Çexiya prezidentinin Konstitusiyaya dəyişikliyi nəzərdə tutun referendum təyin etməklə bağlı səlahiyyəti yoxdur.
Xatırladaq ki, iyunun 23-də Böyük Britaniyada ölkənin Aİ-dən çıxması ilə bağlı referendum keçirilib, 52 faiz bunun lehinə səs verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
