Bakı – APA. Dakarda keçirilən Frankofoniya təşkilatının XV sammitində böhranlı vəziyyətlərin həlli və sülhün möhkəmləndirilməsinə dair yekun qətnamə qəbul olunub.
APA-nın Ermənistan mətbuatına istinadən verdiyi məlumata görə, Ermənistan tərəfinin təklifi ilə qətnamə layihəsinə quruma üzv dövlətlərin ATƏT-in Minsk qrupunun Dağlıq Qarabağ münaqişəsinin nizamlanması istiqamətində göstərdiyi səylərə tam dəstək verdiyi haqda müddəa daxil edilib.
“Münaqişə tərəflərini güc tətbiqindən çəkinməyə çağırırıq, çünki bu, nizamlanma prosesinə zərbə vura bilər. ATƏT-in Minsk qrupu həmsədrlərinin güc tətbiqinin yolverilməzliyi, ərazi bütövlüyü, xalqların bərabərliyi və öz müqəddaratının təyin edilməsi ilə bağlı vahid təklifləri əsasında danışıqları davam etdirməyə çağırırıq”, - deyə sənəddə vurğulanıb.