Bakı. Musa Əhmədov – APA-Economics. Avropa Yenidənqurma və İnkişaf Bankı (AYİB) “Dəmirbank” ASC-yə 5 mln. ABŞ dolları məbləğində kredit ayırıb.
Bankdan “APA-Economics”ə verilən məlumata görə, kredit “Dəmirbank” tərəfindən enerji effektivliyi layihələrinin kreditləşdirilməsinə yönəldiləcək.
Bu vəsait yerli sahibkarlara və ev təsərrüfatlarına enerji səmərəliliyini yüksəltmək üçün avadanlıq, cihaz və materiallar almalarına kömək edəcək.