Bakı. Pərviz Nuriyev - APA-Economocs. Bakı-Ələt yolunun 4-ci km-də (Bayıl dairəsi adlanan ərazidə) yeraltı piyada keçidinin tikintisi işləri davam etdirilir.
Nəqliyyat Nazirliyindən “APA-Economics”ə verilən məlumata görə, uzunluğu 100 metr, eni 8 metr, hündürlüyü 4 metr olacaq keçiddə artıq svay işləri başa çatdırılıb.
Hazırda döşəmə betonun tökülməsi və tunelin qazıntısı işləri gedir. Kommunikasiya xətlərinin köçürülməsi başa çatmaq üzrədir. Dörd giriş-çıxışdan ibarət olacaq keçiddə hər tərəfdə ikisi olmaqla eskalatorların quraşdırılması nəzərdə tutulub.
Tikinti işlərinin 2015-ci ilin 1-ci rübündə başa çatdırılması planlaşdırılır.