Bakı. Aqşin Rafiqoğlu – APA-Economics. Bu gün Azərbaycan Dövlət Neft Şirkətində (ARDNŞ) ekologiya üzrə SOCAR-BP işçi qrupunun ilk iclası keçirilib.
ARDNŞ-dən “APA-Economics”ə verilən məlumata görə, iclasda lay sularının idarə edilməsi sahəsində şirkətlərin təcrübəsi barədə məlumat verilib və işçi qrupunun nizamnamə sənədi təsdiq edilib.
İşçi qrupunun ARDNŞ tərəfindən rəhbəri, şirkətin ekologiya üzrə vitse-prezidenti Rəfiqə Hüseynzadə, qarşı tərəfdən isə BP-nin əməyin təhlükəsizliyi və əməliyyat riskləri üzrə vitse-prezidenti Robert Vatt təyin edilib.
Bundan əlavə, iclasda quruda lay sularının idarə edilməsi texnologiyalarına dair bazar araşdırmaları da müzakirə edilib.