Bakı. Könül Kamilqızı - APA. Təhsil Nazirliyi Dərslikləri Qiymətləndirmə Şurasının üzvlüyünə seçilmək üçün ərizə qəbuluna başlayıb.
Nazirliyin mətbuat xidmətindən APA-ya verilən xəbərə görə, ərizələrin qəbulu bu gündən başlayır və martın 18-dək davam edəcək. Ərizə qəbulunda müxtəlif sahələr üzrə ali təhsilli, ən azı 5 il pedaqoji staja malik (bu tələb 7, 8 və 9-cu bəndlərdə göstərilən şəxslərə aid deyil) mütəxəssislər iştirak edəcək. Onlar ərizələrini elektron formada təqdim edə bilərlər.