Göyçay. Elvin Yaqubov - APA. Göyçay rayonunda mənzildən oğurluq edilib.
APA-nın məlumatına görə, hadisə Göyçay şəhərinin H. Zərdabi küçəsi ev 12 ünvanında qeydə alınıb.
Naməlum şəxslər 1950-ci il təvəllüdlü Bəyalıyev Qələmşah Cəmaləddin oğluna məxsus mənzildən 2 min manatlıq qızıl-zinət əşyaları, 60 manat pul, iki ailə üzvünə məxsus 50-yə yaxın köhnə və təzə geyim əşyaları, həmçinin məişət əşyaları oğurlayıb.
Hazırda Göyçay Rayon Polis Şöbəsinin əməkdaşları oğurluq edən şəxsin tapılması istiqamətində əməliyyat-axtarış tədbirləri həyata keçirir.
Faktla bağlı araşdırma aparılır.