Bakı. Vahab Rzayev – APA-Economics. Bu gün Bakı Fond Birjasında «AFB Bank» ASC-nin adi adlı sənədsiz səhmlərinin yeni emissiyasının yerləşdirilməsinə başlanılır.
Birjadan «APA-Economics»ə verilən məlumata görə, emissiyanın ümumi həcmi 10 003 180 manat, bir səhmin nominal dəyəri 1 109 manat təşkil edir.
Yerləşdirmədə anderrayter kimi «Texnika Kapital Menecment» MMC çıxış edir. Yerləşdirmə nəticəsində bankın nizamnamə kapitalı 23,6% artaraq 52 347 018 manata çatacaq.