Bakı. Şəhriyar Əlizadə - APA. 68 nəfər ədliyyə orqanlarında qulluğa qəbul olunaraq Penitensiar Xidmətdə kiçik rəis heyətində vəzifələrə təyin olunublar.
Penitensiar Xidmətin ictimaiyyətlə əlaqələr şöbəsindən APA-ya verilən məlumata görə, onlardan 44 nəfəri yeni fəaliyyətə başlamış Şəki Penitensiar kompleksinə, 24 nəfəri isə digər cəzaçəkmə müəssisələrinə və Mühafizə Alayına təyinat alıblar.
Ədliyyə nazirinin müavini, Penitensiar Xidmətin rəisi Mədət Quliyev qulluğa qəbul olunmuş gənc əməkdaşları ədliyyə naziri Fikrət Məmmədovun adından təbrik edib, onlara seçdikləri işdə uğurlar arzulayıb.
Ədliyyə orqanlarında qulluğa yeni qəbul olunmuş gənc əməkdaşlar Penitensiar Xidmətin tarix muzeyinə baxış keçiriblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
