Bakı. Viktoriya Dementyeva - APA. Lüksemburqda Avropa Birliyi və “Şərq Tərəfdaşlığı” ölkələrinin ədliyyə və daxili işlər nazirlərinin I görüşü başa çatıb.
APA-nın Avropa Birliyinin (AB) mətbuat xidmətinə istinadən xəbərinə görə, oktyabrın 7-8-də keçirilmiş görüşdə ədliyyə və daxili işlər sahələrində əməkdaşlığın hazırkı vəziyyətini və perspektivlərini müzakirə ediblər.
Görüşün yekununda birgə bəyannamə imzalanıb. Toplantı iştirakçıları ədliyyə, daxili işlər, miqrasiya, korrupsiya ilə mübarizə, mütəşəkkil və transmilli cinayətkarlıqla mübarizə sahəsində islahatlar və s. məsələləri müzakirə ediblər.