Bakı. Cavid Zeynalov – APA. Fevralın 18-dən 22-dək Mədəniyyət və Turizm Nazirliyinin təşkilatçılığı ilə Muzey Mərkəzində əməkdar rəssam Elçin Aslanovun 80 illik yubiley sərgisi keçiriləcək. Nazirlikdən APA-ya verilən məlumata görə, sərgidə rəssamın müxtəlif illərdə yaratdığı əsərlər nümayiş olunacaq.
E. Aslanov 1934-cü ildə Bakıda anadan olub. 1962-ci ildə SSRİ Rəssamlar İttifaqının üzvlüyünə qəbul edilib. O, kiçik yaşlı uşaqlar üçün nəşr olunmuş 60-dan çox kitabın tərtibatı və illüstrasiyaların müəllifidir. E. Aslanov 1982-87-ci illərdə Azərbaycan Rəssamlar İttifaqının "Miniatür və kitab qrafikası" bölməsinə rəhbərlik edib.
2002-ci ildə əməkdar rəssam fəxri adına layiq görülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
