Bakı. Hafiz Heydərov - APA. Tovuzda yaşayış evində partlayış olub. Rayon Polis Şöbəsindən APA-ya verilən məlumata görə, hadisə Tovuz rayonunun Əlibəyli kəndində qeydə alınıb.
Kənd sakini Şirxan Sərhədovun evində təbii qazın sızmasından ani partlayış baş verib. Nəticədə Ş.Sərhədov və arvadı Gültəkin xəsarətlə xəstəxanaya yerləşdirilib.
Faktla bağlı araşdırma aparılır.