Bakı-APA. Bu gün axşam saatlarında Azərbaycanın rayonlarında iki yanğın hadisəsi baş verib. APA-nın FHN-ə istinadən verdiyi xəbərə görə, Xızı rayonu, Sitalçay kəndində (rayon mərkəzindən 50 km aralı) vətəndaşa məxsus 3 ha sahədə biçilmiş taxıl sahəsi yanıb. Yaxınlıqdakı biçilməmiş taxıl sahələri yanğından mühafizə olunub. Yanğın saat 20:05-də yanğınsöndürənlər tərəfindən söndürülüb.
Bundan başqa, İmişli rayonu, Qaradonlu kəndində (rayon mərkəzindən 15 km aralı) vətəndaşa məxsus ümumi sahəsi 110 kv.m olan birmərtəbəli 4 otaqlı evin yanar konstruksiyaları yanıb. Bitişik tikilmiş ümumi sahəsi 90 kv. m olan çardaq yanğından mühafizə olunub. Yanğın saat 20:12-də yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
