Sabirabad. Əlibəy Zeynallı - APA. Sabirabadda fərdi yaşayış evi yanıb.
Sabirabad rayon Yanğından Mühafizə Hissəsindən APA-nın Mil-Muğan bürosuna verilən məlumata görə, yanğın bu gün axşam saatlarında Sabirabad şəhəri Ə. Bakıxanov küçəsində yerləşən, 1970-ci il təvəllüdlü Xəlilov Nəriman Əliş oğluna məxsus fərdi yaşayış evində baş verib.
70 kvadratmetr sahəsi olan 2 otaq və bir eyvandan ibarət evin bir hissəsi yanıb.
Yanğına evin yaxınlığında yığılmış quru ota od düşməsi səbəb olub.
Hadisə yerinə Sabirabad rayon Yanğından Mühafizə hissəsinin 2 yanğınsöndürən avtomobili cəlb edilib. Yanğın lokallaşdırılıb, evin bir hissəsi yanğından mühafizə edilib.
Faktla bağlı araşdırma aparılır.