Bakı. Zümrüd Paşayeva - APA. Hindistanın kənd təsərrüfatı naziri yol qəzasında həyatını itirib.
APA-nın "Reuters"ə istinadən xəbərinə görə, 64 yaşlı nazir Gopinath Munde qələbə mitinqinə qatılmaq üçün gedərkən onun avtomobili qəzaya düşüb. Xəstəxanaya aparılan nazirin həyatını xilas etmək mümkün olmayıb.
G.Munde son illər Hindistanda avtomobil qəzasında həyatını itirən üçüncü tanınmış siyasətçidir. Konqres Partiyasından olan keçmiş nəqliyyat naziri Rajeş Pilot 2000-ci ildə, keçmiş əmək naziri Sahib Sinqh Verma isə 2007-ci ildə qəzada həlak olub.
Mərhum nazir Munde yeni seçilən baş nazir Narendara Modinin ən yaxın müttəfiqlərindən hesab olunurdu.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
