Bakı-APA. Başqırdıstanın İqlinski rayonunda fərdi evdə baş vermiş yanğın nəticəsində 3 nəfər ölüb. APA-nın “İnterfaks”a istinadən verdiyi xəbərə görə, bu barədə Rusiya FHN-in Başqırdıstan üzrə Baş İdarəsinin açıqlamasında bildirilir.
“Tavtimanovo kəndində dekabrın 28-də 16.36-da yanğın baş verib. Nəticədə taxtadan tikilmiş ev yanıb. Hadisə nəticəsində 3 nəfər ölüb”, deyə idarənin açıqlamasında bildirilir.
Yanğının söndürülməsinə 3 yanğınsöndürmə briqadası cəlb olunub.
Yanğının səbəbləri müəyyənləşdirilir.