Bakı. Anaxanım Hidayətova – APA. Rusiya Xarici İşlər Nazirliyinin rəsmi nümayəndəsi Aleksandr Lukaşeviç ABŞ rəsmilərinin Rusiyaya qarşı sanksiyalar barədə bəyanatları şərh edib.
APA-nın Rusiya XİN-in mətbuat xidmətinə istinadən verdiyi məlumata görə, A.Lukaşeviç amerikalıların sanksiyalara çağırışını refleks nəticəsində əmələ gəldiyini bildirib.
Rusiyalı diplomat qeyd edib ki, ABŞ-ın təklif etdiyi sanksiyalar hər iki ölkəyə ziyan verəcək.
“Hər dəfə ABŞ-ın hazırladığı sxemlərə uyğun nəsə getməyəndə, sanksiya dəyənəyinə əl atanlar tapılır”, - deyə o vurğulayıb.
A.Lukaşeviç bildirib ki, Rusiya ABŞ sanksiyalarına qarşı cıxdıqda, həmişə faktlar və hüquqi əsaslara malik olub: “Biz amerikalılara həmişə başa salmışıq ki, onların birtərəfli sanksiya tədbirləri nəyə görə sivil dövlətlərarası münasibətlər çərçivəsinə sığmır. Lazımi effekt yoxdur”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
