Bakı. Real Cəfərli - APA. İranın ali dini lideri bir qrup deputatla görüşündə dörd ilə yaxındır ev dustaqlığında saxlanılan ölkə müxalifətinin liderləri - Mirhüseyn Musəvi və Mehdi Kərrubidən danışıb.
APA-nın “Radiofərda”ya istinadən verdiyi məlumata görə, ayətullah Xamneyi bildirib ki, onların günahı böyükdür: “Mən əvvəllər bununla bağlı danışmışam. Bizlər inqilab və şəhidlərin yolundan kənara çıxmamalıyıq. Əgər imam (ayətullah Xomeyni nəzərdə tutulur - red.) olsaydı, onlarla daha sərt davranardı. Əgər onlar mühakimə edilərsə, cəzaları çox ağır olacaq. Şübhəsiz ki, sizlər də bununla razılaşmayacaqsınız. Ancaq biz onlara mehribanlıq göstərmişik”.