Bakı. Aqşin Rafiqoğlu – APA-Economics. Azərbaycan şirkətləri İraqın Kərkük əyalətində 4 avtomobil yolunun bərpası prosesində iştirak edə bilər.
Azərbaycanda İxracın və İnvestisiyaların Təşviqi Fondundan (Azpromo) «APA-Economics»ə verilən məlumata görə, İraq Şəhərsalma və Tikinti Nazirliyi tərəfindən Kərkük əyalətində 4 yolun bərpası üzrə beynəlxalq tender elan olunub.
Azərbaycan iş adamları tenderdə iştiraka dəvət olunur. Tender haqqında ətraflı məlumat əldə etmək və tenderdə iştirak etmək istəyənlər Azpromo-ya müraciət edə bilərlər.