Bakı. Fuad Cəfərov - APA. Sumqayıt şəhərində əvvəllər məhkum olunmuş şəxs yanaraq ölüb.
Sumqayıt Şəhər Polis İdarəsindən APA-ya verilən məlumata görə, şəhərin 3-cü mikrorayon ev 2/58 ünvanda yerləşən binanın zirzəmisində əvvəllər məhkum olunmuş, 1983-cü il təvəllüdlü İman Əliyev ocaq qalayaraq yanğın törədib.
Nəticədə yanıq xəsarətləri alan İ. Əliyev vəfat edib.
Faktla bağlı araşdırma aparılır.
***
Saat 10:18
Bakı. Fuad Cəfərov - APA. Sumqayıtda yaşayış binasında baş verən yanğın zamanı naməlum kişi meyiti tapılıb.
APA-nın Fövqəladə Hallar Nazirliyinin saytına istinadən verdiyi məlumata görə, Sumqayıt şəhərində 5 mərtəbəli yaşayış binasının zirzəmisində 8 kv. m sahədə məişət tullantıları yanıb.
Yanğının kəşfiyyatı zamanı şəxsiyyəti məlum olmayan kişi meyiti aşkar olunub. Yanğından mənzillər mühafizə olunub. Yanğın yanğınsöndürənlər tərəfindən söndürülüb.