Bakı-APA. Myanmanın şimalındakı Kaçin ştatında baş vermiş torpaq sürüşməsi nəticəsində 90 nəfər ölüb. APA-nın “RİA Novosti”yə istinadən verdiyi xəbərə görə, bu barədə “Press TV” məlumat yayıb.
“Bu vaxtadək 90 nəfərin cəsədi aşkarlanıb”, teyə yerli administrasiya nümayəndəsi bildirib.
Məlumata görə, 100-dək insan itkin düşmüş hesab edilir.
Torpaq sürüşməsi Xpakan şəhəri yaxınlığında nefrit mədənlərinə yaxın ərazidə baş verib. Nəticədə mədəndə çalışan fəhlələrin yaşadığı 70-dən çox ev torpaq altında qalıb.
Ölənlərin sayının artacağı istisna olunmur.
Hadisə yerində xilasedicilər və hərbçilər cəlb olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
