Bakı. Vüsal Nəbiyev – APA-Economics. Yanvar-may aylarında Əmək və Əhalinin Sosial Müdafiəsi Nazirliyi (ƏƏSMN) əlilliyi olan şəxsləri 14 mindən çox reabilitasiya vasitəsi və protez-ortopedik məmulatla təmin edib.
Nazirlikdən “APA-Economics”ə verilən məlumata görə, cari ilin yanvar-may aylarında əlilliyi olan şəxslərin reabilitasiya vasitələri və protez-ortopedik məmulatlarla təminatı işlərini davam etdirilib. Ötən dövrdə nazirliyin Protez-Ortopedik Bərpa Mərkəzi, onun Gəncə şəhərindəki filialı və Naxçıvan istehsalat sahəsi tərəfindən əlilliyi olan şəxslərə 900 ədəd əlil arabası verilib ki, bu da ötən ilin müvafiq dövrü ilə müqayisədə 64,5% çoxdur.
“Əlilliyi olan şəxslər həmçinin 385 ədəd aşağı ətraf protezi, 519 ədəd aşağı ətraf ortezi, 793 ədəd dirsəkaltı ağac, 389 ədəd dördayaqlı dayaq vasitəsi, 337 ədəd bel və boyun nahiyəsi üçün korset, 1832 cüt ortopedik ayaqqabı, 1296 protez ayaqqabı, 283 ədəd eşitmə aparatı, 3580 ədəd müxtəlif reabilitasiya vasitəsi, 1095 ədəd əsa və s. ilə təmin olunublar. Onlara məxsus 396 ədəd reabilitasiya vasitəsi və protez-ortopedik məmulatın isə təmiri işləri aparılıb”, - deyə məlumatda vurğulanıb.
Ümumilikdə cari ilin yanvar-may aylarında əlilliyi olan şəxslərin ötən ilin müvafiq dövrü ilə müqayisədə 33,9% çox, yəni 14039 reabilitasiya vasitəsi və protez-ortopedik məmulatla təminatı həyata keçirilib.
Son 5 ayda Mərkəzin və onun Gəncə şəhərindəki filialının mürəkkəb protezləşdirmə stasionarlarında 317 nəfər əlilliyi olan şəxs reabilitasiya xidmətləri göstərilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
