Bakı-APA. İran prezidenti Həsən Ruhaninin İtaliyaya rəsmi səfəri çərçivəsində ümumi dəyəri 17 milyard dollara yaxın bir sıra saziş imzalanıb.
APA-nın BBC-yə istinadən verdiyi məlumata görə, razılaşmalar əsasən energetika və infrastruktur sahələrinə aiddir.
Yanvarın 26-da H.Ruhani Vatikanda Roma Papası Fransisk ilə görüşəcək. Daha sonra İran prezidenti Fransaya səfər edəcək. Parisdə “Airbus” şirkəti ilə 100-dən çox təyyarənin alınmasına dair sazişin imzalanacağı gözlənilir.
İran nümayəndə heyəti, hökumət üzvləri və iş adamları daxil olmaqla, 120 nəfərdən ibarətdir. Həsən Ruhaninin Avropaya səfəri beş gün davam edəcək. Səfər İranın üzərindən beynəlxalq sanksiyaların aradan qaldırılmasından sonra Qərblə əlaqələrin bərpasına yönəlib.
Qeyd edək ki, ötən həftə Çin Xalq Respublikasının sədri Si Cinpin İranda rəsmi səfərdə olub. İki ölkə arasında müxtəlif sahələri əhatə edən 17 saziş imzalanıb. 10 il müddətində iki ölkə arasında ticarət dövriyyəsinin 600 milyard dollara çatdırılmasına dair razılığa gəlinib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
