Salyan. Əlibəy Zeynallı - APA. Salyan rayonunda bıçaqlanma hadisəsi baş verib. APA-nın Mil-Muğan bürosunun məlumatına görə, hadisə ötən gecə Salyan rayonunun Qarabağlı kəndində qeydə alınıb. Həmin kəndin sakini, 1974-cü il təvəllüdlü Ağayev Elman Habil oğlu həmkəndlisi - 1961-ci il təvəllüdlü Hüseynov Yunis Hüseyn oğlu tərəfindən bıçaqlanıb. E.Ağayev sol döş qəfəsin dəlib keçən yarası diaqnozu ilə Şirvan şəhər Xəstəxanasına yerləşdirilib, əməliyyat olunub. Vəziyyəti orta-ağırdır.
Hadisə toyda musiqi sifarişi üstündə baş verib. Mübahisədə Yunis Hüseynovun oğlu, 1990-cı il təvəllüdlü Cavad Hüseynov da iştirak edib. Baş vermiş hadisəyə görə, ata və oğul saxlanılıb.
Faktla bağlı Salyan rayon Polis Şöbəsində cinayət işi açılıb, araşdırma aparılır.