Bakı. Aqşin Rafiqoğlu - APA-Economics. Xaçmaz Gömrük İdarəsinin əməkdaşları iki fakt üzrə 41200 ədəd siqaretin qaçaqmalçılıq yolu ilə ölkə ərazisinə keçirilməsinin qarşısını alıb.
Dövlət Gömrük Komitəsinin Mətbuat Xidmətinin "APA-Economics"ə verilən məlumata görə, idarənin Gömrük sahəsində hüquqpozmalara qarşı mübarizə şöbəsinə daxil olan əməliyyat məlumatı əsasında “Samur” gömrük postunun gömrük nəzarəti zonasında 2 avtomobilə baxış keçirib.
Yoxlama zamanı avtomobillərin müxtəlif yerlərindən gömrük nəzarətindən gizlədilən 41200 ədəd siqaret aşkar edilərək götürülüb.