Tehran. Süleyman Fərzəliyev - APA. İranın İsfahan şəhərində Əfqanıstan vətəndaşlarını aparan avtomobil qəzaya uğrayıb.
APA-nın Tehran bürosunun məlumatına görə, qəza nəticəsində 6 nəfər ölüb, 8 nəfər xəsarət alıb.
Hadisə yerli vaxtla saat 1:30 da Nayin-İsfahan magistral yolunun 85-ci kilometrliyində baş verib.
Xəsarət alanlar xəstəxanaya çatdırılıb.
Qəzaya düşən Əfqanıstan vətəndaşları İran sərhədini qeyri-qanuni yolla keçərək ölkədə yerləşmək istəyiblər.