Bakı – APA. Ukraynalı pilot Nadejda Savçenko ilə dəyişdirilən Rusiya Müdafiə Nazirliyi Baş Kəşfiyyat İdarəsinin (QRU) zabitləri Yevgeni Yerofeyev və Aleksandr Aleksandrovu daşıyan Rusiya hökumətinə məxsus təyyarə Moskvaya enib.
APA-nın “İnterfaks”a istinadən verdiyi məlumata görə, “An-146” təyyarəsi yerli vaxtla saat 13.40-da Moskvadakı Vnukovo hava limanına eniş edib. Vəkil Valentin Rıbin hərbçilərin Ukrayna ərazisini tərk etdiklərini təsdiqləyib.
Qeyd edək ki, Y. Yerofeyev və A. Aleksandrov 2015-ci ilin mayında Ukraynanın Luqansk vilayəti ərazisində Ukrayna əsgərləri tərəfindən əsir götürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
