Bakı. Aqşin Rafiqoğlu – APA-Economics. Bu ilin yanvar-noyabr aylarında Gürcüstandan Azərbaycana 61 242,2 min dollar dəyərində 3 377 ədəd minik avtomobili ixrac olunub.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Bu, ötən ilin eyni dövrü ilə müqayisədə 13 414 ədəd avtomobil və ya 4,97 dəfə azdır. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 4,12 dəfə azalıb.
Qeyd edək ki, bu 11 ayı ərzində Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 26,48% təşkil edib.
Hesabat dövründə Gürcüstandan Azərbaycana ixrac olunan avtomobillərin həcmi bu ölkənin ümumi avtomobil ixracının 36,66%-ni təşkil edib.
Bu ilin yanvar-noyabr ayları ərzində ölkənin ümumi ixracında isə Azərbaycana ixrac olunan məhsulların xüsusi çəkisi 11,45% təşkil edib.
Qeyd edək ki, bu ilin yanvar-noyabr ayında Gürcüstandan Azərbaycana 231 278,1 min dollar dəyərində məhsul ixrac edilib ki, bu da ötən ilin 11 ayı ilə müqayisədə 2,21 dəfə azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
