Bakı-APA. Bu gün Dohada OPEK üzvləri və təşkilata daxil olmayan neft hasil edən ölkələrin görüşündə müzakirəyə çıxarılacaq layihənin detalları məlum olub.
APA-nın “Reuters” agentliyinə istinadən verdiyi məlumata görə, layihədə neft hasilatının 1 oktyabr 2016-cı ilə qədər bu ilin yanvar ayındakı səviyyədə saxlanılması barədə razılaşmanın qüvvədə qalması təklif edilir.
Bununla bağlı növbəti görüşün də həmin ay Rusiyada keçirilməsi nəzərdə tutulur.
Qeyd edək ki, fevralın 16-da Dohada Rusiya, Səudiyyə Ərəbistanı, Qətər və Venesuela digər neft hasilatçıları da razılaşacağı təqdirdə, 2016-cı ilin yanvarındakı səviyyədə saxlamaq barədə razılaşma əldə edib. Bu gün Dohada bununla bağlı görüş keçiriləcək. Görüşdə Azərbaycan da iştirak edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
