Bakı. Hafiz Heydərov - APA. Bakıda itkin düşən məktəbli uşaqlar tapılıb.
Nizami rayon Polis İdarəsinin 25-ci Polis Bölməsindən APA-ya verilən məlumata görə, azyaşlılar Hövsan qəsəbəsində tapılaraq ailələrinə təhvil veriliblər.
Polisdən həmçinin bildirilib ki, itkin düşən uşaqlardan birinin nənəsi Hövsanda yaşayır. Uşaqlar da həmin ünvanda olublar.
***
saat 11.12
Bakı. Hafiz Heydərov – APA. Bakıda 11 yaşlı iki məktəbli itkin düşüb.
Bu barədə APA-ya itkin düşən məktəblilərdən biri İsmayıl Şəfiyevin anası Viktoriya Şəfiyeva məlumat verib. Onun sözlərinə görə, oğlu İsmayıl və sinif yoldaşı Şamil Babayev ötən gün təhsil aldıqları 32 №-li məktəbdən çıxıb və evə qayıtmayıblar. Onların harada olmaları barədə heç bir məlumat yoxdur.
V. Şəfiyeva qeyd edib ki, uşaqların itkin düşməsi ilə bağlı Nizami rayon Polis İdarəsinin 25-ci Polis Bölməsinə məlumat verilib.
Polisdən APA-ya bildirilib ki, hazırda adıçəkilən şəxslərin tapılması istiqamətində axtarışlar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
