Hadisə

Ana səhifə

Hadisə

Nəsimi Nəbizadə ilə "Ana xəbər" bloku – 16 Aprel

16 aprel 2016 18:06 (UTC +04:00)

YORUM

Neftin taleyi ilə bağlı çıxarılacaq qərarın açıqlanmasına 24 saat qalır. Bu arada bütün maraqlı tərəflərin bir gözü qərarın veriləcəyi Qətərin paytaxtı Dohaya dikilsə də, bir gözü Tehrana yönəlib.

İranın neft hasilatının dondurulması ilə bağlı bir açıqlaması neftin qiymətinin bir müddət belə olsa, 50 dollaradək bahalaşmasına səbəb ola bilər. Amma görünən və bu vaxta qədər Tehran tərəfindən verilən açıqlamalar buna heç bir ümid vermir. İran neft nazirinin OPEK toplantısında iştirak etməyəcəyi və ölkənin üzərindən sanksiyalar götürüldükdən sonra hasilatın, bu gün verilən açıqlamaya görə, ən yüksək həddə çatdırılması bunu bir daha sübut edir. Elə buna görə də indidən demək olar ki, Doha toplantısı da "qara qızıl"ın üzünü "ağarda" bilməyəcək...