Neftçala. Əlibəy Zeynallı - APA. Fövqəladə Hallar Nazirliyinin Kiçik Həcmli Gəmilər üzrə Dövlət Müfəttişliyinin əməkdaşları iyunun 10-u və 11-i Salyan rayonun Xıdırlı kəndində, daha sonra isə Neftçala rayonunun Sahiloba və Qoltuq kəndində səyyar xidmət layihəsi həyata keçirib.
APA-nın Mil-Muğan bürosunun verdiyi xəbərə görə, məqsəd əsasən vətəndaşların paytaxta gəlməklə böyük məsafə qət etmədən sənədlərin alınmasını asanlaşdırmaqdır.
Müfəttişliyin əməkdaşları kiçik həcimli gəmi istifadəçilərinə texniki baxış talonları, sürücülük hüququna malik olan vətəndaşlara sürücülük vəsiqələri (gəmi biletləri) təqdim olunub. Həmçinin gəmi istifadəçilərinə gəmilərin təhlükəsiz istismar olunması qaydalarına əməl edilməsi mövzusunda maarifləndirici söhbətlər aparıblar. Ümumilikdə 2 gün ərzində 300 nəfər gəmi istifadəçisinə sənədlər təqdim olunub. Yerli sakinlər göstərilən xidmətə görə, ölkə rəhbərliyinə o cümlədən FHN rəhbərliyinə minnətdarlıqlarını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
