Bakı. Yeganə Laçınzadə - APA-Economics. “Rabitəbank” ASC və “CONTACT” pul köçürmələri sistemi “Bakı-2015” I Avropa Oyunları ərəfəsində müştərilər üçün “Bakı – 2015, Kontaktlılar, Avropalılar, Sizinkilər” şüarı altında xüsusi aksiyaya start verib.
Bankdan “APA-Econmics”ə verilən xəbərə görə, mayın 31-dək davam edəcək aksiyada, “CONTACT” ödəniş sistemi vasitəsilə “Rabitəbank”ın istənilən filialında pul köçürməsi edən bütün müştərilər hədiyyə qazanmaq şansı əldə edəcəklər. Aksiya çərçivəsində yaradılmış uduş fondu “Bakı-2015” Avropa Oyunlarının açılış mərasiminə 10 bilet və bağlanış mərasiminə 20 biletdən ibarətdir.
Qaliblərin müəyyənləşdirilməsi üçün iki meyar əsas götürüləcək: aksiya müddətində ən çox məbləğdə və 300 dollardan az olmayaraq ən çox sayda pul köçürməsi edən müştərilər qalib ola biləcəklər.
Qeyd edək ki, aksiyanın qaliblərinə hədiyyələrin təqdimatı mərasiminin 5-10 iyun tarixlərində keçirilməsi nəzərdə tutulub.
22 il ərzində ölkədə kiçik və orta sahibkarlara maliyyə xidmətləri göstərən “Rabitəbank” ASC-nin filial şəbəkəsi ilə bura daxil olmaqla tanış ola bilərsiniz.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
