Bakı – APA. İyunun 12-28-də Bakıda keçiriləcək Avropa Oyunlarına qatılacaq Olimpiya və dünya çempionlarının sayı açıqlanıb. Apasport.az saytının məlumatına görə, Bakı-2015-də mübarizə aparacaq 6000 atletdən 150-si Olimpiadanın mükafatçısıdı.
Onlar arasında 4 ildən bir keçirilən möhtəşəm yarışın qalibləri üstünlük təşkil edir. Belə ki, 150 Olimpiya mükafatçısından 59-u çempionlardı.
Bununla yanaşı, paytaxtımıza kifayət qədər dünya çempionatlarının mükafatçısı gələcək ki, onlardan da təxminən 200-ü mundialın baş mükafatının sahibləridi.
Qeyd edək ki, Avropa Oyunları 20 idman növü üzrə keçiriləcək və bunlardan 12-si Rio-2016-ya lisenziya və ya lisenziya xalı verəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
