Bakıda yol-nəqliyyat hadisəsində ölən ərəblərlə bağlı yeni faktlar açıqlanıb.
APA-nın məlumatına görə, qəzada ölən kişi Birləşmiş Ərəb Əmirliklərinin, qadın isə İordaniyanın vətəndaşı olub. Onlar ər-arvad olmayıblar. Hər iki şəxs turist kimi Azərbaycana gəlib. Yol-nəqliyyat hadisəsi də onlar gəzməyə gedərkən baş verib.
Hazırda ölən şəxslərin meyitlərinin ölkələrinə göndərilməsi üçün müvafiq sənədləşmə işləri həyata keçirilir.
Qeyd edək ki, məlum hadisə noyabrın 5-də Qaradağ rayonunun Ələt qəsəbəsində qeydə alınıb. Şirvan şəhər sakini Rasim Abıyevin idarə etdiyi "Mercedes" və Sumqayıt şəhər sakini Elçin Məmmədovun idarə etdiyi "Nissan" markalı avtomobillər toqquşub. Nəticədə E.Məmmədovun sərnişinlərindən - Suhail Saeed Almeqbaali və Lamees Ziyad Mahmoud Jbareh hadisə yerində ölüb, özü və digər 1 sərnişini, habelə R.Abıyevin 1 sərnişini xəstəxanaya yerləşdirilib.
Faktla bağlı Baş İstintaq və Təhqiqat İdarəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
