Bakı. Şəhriyar Əlizadə -APA. Bakı Apellyasiya Məhkəməsində quldurluqda təqsirləndirilən Azad Həziyev, Nicat Xəlilov və Aqşin Mustafayevin apellyasiya şikayətləri üzrə məhkəmə prosesi başlayıb.
APA-nın məlumatına görə, ilkin baxış iclasında təqsirləndirilən şəxslərin anket məlumatları dəqiqləşdirilib. Məhkəmənin baxış iclası mayın 6-na təyin edilib.
Qeyd edək ki Bakı Ağır Cinayətlər Məhkəməsinin hökmü ilə A. Mustafayevlə N. Xəlilov hər biri 14 il, A. Həziyev isə 14 il 6 ay müddətinə azadlıqdan məhrum edilib. Hökmdən narazı qalan təqsirləndirilən şəxslər apellyasiya şikayəti veriblər. Onlar cəzalarının azaldılmasını istəyirlər.
Ötən il avqustun 28-də Bakıda "Qara çay" tikinti şirkətinin gözətçi otağına zorla daxil olan maskalı şəxslər orada gözətçi işləyən 1948-ci il təvəllüdlü Zina Bəşirovanı bıçaqla hədələyib əl-qolunu bağlayıb, içərisində 60 000 ABŞ dolları və şirkətə məxsus sənədlər olan seyfi quldurluq yolu ilə talayıblar. Onların Bakı şəhər sakinləri, 1993-cü il təvəllüdlü Nicat Xəlilov, Aqşin Mustafayev və Azad Həziyev olduğu müəyyənləşib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
