Ağsu. Elvin Yaqubov - APA. Ağsu rayonunda quldurluq hadisəsi olub.
APA-nın yerli bürosunun xəbərinə görə, hadisə Ağsu şəhərində, 3-cü məhəllə adlanan ərazidə qeydə alınıb.
Şəhər sakini, 1958-ci il təvəllüdlü Xəlilova Zöhrə Səməndər qızı gecə saatlarında yaşadığı evdə naməlum şəxsin hücumuna məruz qalıb. Maskalı şəxs qadına hədə-qorxu gələrək onun dəyəri 4 min manat olan 175 qram qızılını götürərək qaçıb.
Hazırda Ağsu rayon Polis Şöbəsinin əməkdaşları quldurluq hadisəsini törədən şəxsin tapılması üçün əməliyyat-axtarış tədbirlərini həyata keçirirlər.